ᓄᓇᕗᑦ ᖁᕕᐊᓲᑎᖃᕐᐳᖅ ᐊᑐᒃᑲᓐᓂᕈᓐᓇᕐᓂᕐᒥᒃ ᐊᒥᒐᖏᑦᑐᒥᒃ, ᓄᑖᕈᒃᑲᓐᓂᕈᓐᓇᕐᑐᒥᒃ ᒪᓗᓴᐃᓪᓗᑎᒃ ᖃᐅᔨᒪᔭᑐᖃᕆᔭᐅᔪᓂᒃ ᐆᒪᔪᖃᕐᕕᐅᔪᓄᑦ ᑲᔪᓰᓐᓇᖁᓪᓗᒍ ᓄᓇᒥᒃ-ᑐᓐᖓᕕᖃᕐᖢᓂ ᐃᓕᖅᑯᓯᕆᔭᑦᑎᓐᓂᒃ.
ᓇᑦᑎᕋᓱᖃᑦᑕᕐᓂᖅ ᑐᑭᖃᕐᒪᑦ ᐃᓄᐃᑦ ᐃᓕᖅᑯᓯᖏᑕ ᓇᓗᓇᐃᖅᑕᐅᓯᒪᓂᖓᓂᒃ ᐊᒻᒪᓗ ᑮᓇᐅᔭᓕᐅᕈᑕᐅᔪᓐᓇᕐᓂᖓᓂᒃ. ᐊᑐᖅᑕᐅᔪᓐᓴᕐᖢᓂ ᒥᑭᑦᑐᒃᑯᑦ ᑮᓇᐅᔭᓕᐅᕈᑕᐅᓐᓇᕐᖢᓂ ᐃᖅᑲᓇᐃᔭᕐᓂᒃᑯᑦ ᐊᑐᖅᑕᐅᔪᓐᓇᕐᖢᓂ, ᐃᑲᔪᓲᖑᓪᓗᓂ ᐃᓄᑐᐊᖑᓪᓗᑎᒃ ᐊᖑᓇᓱᒃᑎᐅᔪᓂᒃ ᐊᑭᖏᓐᓄᑦ ᐊᖏᓕᕙᓪᓕᐊᔪᓄᑦ ᐊᓐᓇᐅᒪᓇᓱᐊᕐᓂᕐᒧᑦ ᐊᖑᓇᓱᑎᓂᐅᔪᓄᑦ ᐊᒻᒪᓗ ᐃᑦᑲᓇᐃᔮᒃᓴᓂᒃ ᓴᖅᑮᓲᖑᓪᓗᓂ ᐊᒻᒪᓗ ᑮᓇᐅᔭᓕᐅᕈᑕᐅᔪᓐᓇᕐᖢᓂ ᐃᓄᖕᓂᑦ ᐊᑑᑎᖃᕐᑐᓄᑦ ᕿᓯᖕᓄᑦ.
ᑕᐅᓴᖏᓐᓃᑦᑐᓄᑦ ᐅᑭᐅᓄᑦ, ᓇᑦᑏᑦ ᐃᑲᔫᑎᖃᕐᓯᒪᖕᒪᑕ ᐃᓄᖕᓂᑦ ᐊᓐᓇᐅᒪᔾᔪᑕᐅᓂᐊᕐᖢᑎᒃ ᑲᓇᑕᐅᑉ ᐅᑭᐅᖅᑕᑐᖓᓂ. ᐃᓄᖕᓄᑦ ᐊᑐᐃᓐᓇᐅᑎᑦᓯᒪᕗᑦ ᐊᑑᑎᖃᑦᑎᐊᕐᖢᑎᒃ ᓂᕿᒋᔭᐅᓂᐊᕐᖢᑎᒃ, ᐊᓐᓄᕌᕆᔭᐅᓪᓗᑎᒃ ᐊᒻᒪᓗ ᐃᑯᒪᔾᔪᑕᐅᔪᓐᓇᕐᖢᑎᒃ ᐃᓄᖕᓂᑦ ᐱᔭᕐᓂᖏᑦᑐᒥ, ᐃᒃᑮᓇᖅᑐᒥ ᐊᒥᓲᖏᑦᑐᑦ ᑭᓱᑐᐃᓐᓇᐃᑦ ᐱᕈᕐᕕᒋᔪᓐᓇᕐᖢᑎᒃ. ᐅᓪᓗᒥᐅᔪᖅ ᓇᑦᑎᐅᑉ ᓂᕿᖓ ᑲᔪᓯᕗᖅᓱᓕ ᓂᕿᑦᑎᐊᕙᐅᓪᓗᓂ ᐱᔭᐅᔪᓐᓇᕐᑐᖅ ᓂᐅᕕᕐᕕᖕᒥᐅᑕᐅᓇᓂ ᐅᖓᓯᑦᑐᒥᑦ ᓇᒃᓯᐅᑎᔭᐅᕙᒃᑐᓂ. ᓇᑦᑏᑦ ᐊᒻᒪᓗ ᐊᓯᖏᑦ ᓂᕐᔪᑏᑦ ᓱᓕ ᐊᒃᑐᐊᔪᑦ ᐅᑭᐅᖅᑕᖅᑐᒥ ᐃᓅᓂᑦᑎᓐᓄᑦ ᐊᒻᒪᓗ ᐃᓕᖅᑯᓯᑦᑎᓐᓄᑦ, ᑕᐃᒪᐃᒃᑲᓂᐊᖅᑎᓪᓗᒍ ᐅᖓᓯᒃᑐᒥ ᓄᓇᓕᕋᓛᖑᔪᑦ ᑐᓴᐅᒪᖃᑦᑕᐅᑎᔪᓐᓇᖅᓯᑎᓪᓗᒋᑦ, ᖃᕋᓴᐅᔭᑎᒍᑦ ᐊᒻᒪᓗ ᐊᓯᖏᓐᓂᒃ ᐃᓅᓯᐅᔪᓂᒃ ᑐᖅᑯᐃᕙᓪᓕᐊᓂᐊᖅᑎᓪᓗᒋᑦ. ᑲᔪᓰᓐᓇᕈᓐᓇᖅᑐᒃᑯᑦ ᐊᖑᓇᓱᖃᑦᑕᕐᓂᐅᔪᖅ ᐃᓕᖅᑯᓯᑦᑎᓐᓄᑦ ᐊᒃᑐᐊᖕᒪᑦ ᐃᑲᔫᑎᖃᕐᐸᒃᖢᓂ ᓄᓇᕗᑦᒥ ᑮᓇᐅᔭᓕᐅᕋᓱᐊᕐᓂᖓᑕ ᓯᕗᓂᒃᓴᖓᓄᑦ ᐊᒻᒪᓗ ᑎᓕᐅᕆᔾᔪᑕᐅᓪᓗᓂ ᖃᐅᔨᒪᔭᑐᖃᕆᔭᐅᔪᓂᒃ ᐃᓄᑐᖃᕐᓂᑦ ᒪᒃᑯᒃᑐᓄᑦ.
ᖃᐅᔨᒋᐊᖅᑐᑦ ᑕᕘᖓ ᖃᕋᓴᐅᔭᒧᑦ ᑐᕌᕈᑎᐅᔪᒧᑦ ᑎᓕᐅᖅᑕᐅᕗᑦ ᖃᐅᔨᓇᓱᐊᖁᔭᐅᓪᓗᑎᒃ ᐊᔾᔨᒌᖏᑦᓄᑦ ᐅᐸᒃᑕᐅᔪᓐᓇᕐᑐᓄᑦ ᐊᑐᐃᓐᓇᐅᔪᓂ ᑕᐃᑲᓂ ᐊᒻᒪᓗ ᐃᓕᒃᑲᓐᓂᕈᓐᓇᖁᓪᓗᒋᑦ ᓄᓇᕗᑦᒥ ᓇᑦᑎᕋᓱᖕᓂᕐᒧᑦ ᐃᓕᖅᑯᓯᕆᔭᐅᔪᒥ ᐊᒻᒪᓗ ᐊᓯᖏᓐᓄᑦ ᑕᒪᑐᒥᖓ ᐊᒃᑐᐃᔪᓂᒃ.
ᐃᒪᕐᒥᐅᑕᓕᕆᔩᑦ ᓇᑦᑎᓕᕆᔩᓪᓗ
ᐊᕙᑎᓕᕆᔨᒃᑯᑦ
ᑎᑎᖅᑲᖃᐅᑖ 1000, ᑎᑎᖅᑲᒃᕕᖓ 1310
ᐃᖃᓗᐃᑦ, ᓄᓇᕗ, X0A 0H0
ᐅᖄᓚᐅᑖ: 867-975-7700
ᓱᒃᑲᔪᒃᑯᑦ: 867-975-7742
naturesedge@gov.nu.ca
"ᐃᓄᓕᕆᔨᑐᖃᒃᑯᑦ ᐊᒻᒪ ᐅᑭᐅᖅᑕᖅᑐᒧᑦ ᐱᕙᓪᐊᓕᑎᑦᑎᔩᑦ ᑲᓇᑕᒥ "