Aanuraaliurniq

ILITQUHIIT PINAHUARUTAINIKLU KATIMAYUT TAKUPKAINIQ

Seal FasionNunavunmiut harimahuktut atigaangamik nattiup amiani annuraangit. Pitquhiit aannuraangi huli naunaitpiaqtut Ukiuqtaqtumi, angunahuartunut uqquuhikhamaaqhugit ihuatqiyauvlunilu huraat amiani aannuraaq puhitaalu hapummivagait qaayurnami. Inulrammiit alraangi hivumuuqhutik nattiup amiinit annuraangit. Piniqutait ikpigiyaulaaqhunilu pitquhiitigut, ilaliugilugit piyumayainnit, nakuurpiaqtumi tiliurutait pitquhiitigullu aulapkainingagut.

Uvani Ukiuqtaqtumi, aannuraaliurniq uqquuhiqiuvluni hivulliuyuq taamna, kihimi pitquhiitigut tiliurutivluni takupakiliunilu nutaamik uuktuutinik kalaillu. Nunavut tiliurutiit tiguartauhimmaaqhutik quyaginnaq pinniqutikhait hunakkutainillu pivalliavlutik qaayurnaittumi hilaryuangi. Qablunnap nunangani tiliuqtut takuyumayait nattiip amiingit tiliurutinik, tiguartauvlutik Inuit pitquhiinit. Piliriakhait hivumuuqhutik angiklipkaivlutik hunakkutaatigut ayunginnia Nunavunmiut miqhuuyaqtunit tiliurtunillu pinniqpaiqtumik pivlutik nunaqatigiiktunit-hanauyarni aannuraangnit. Piliriakhait ilaliutiyut nunaqatigiiktunit katimayunit uvani amiitigut upalungaiyautigut miqhuuyarnirnullu ilitaritauyunik titiqqatigullu ilihaudjauyut amiit puhitaanillu tiliurutinit hanauyarnigullu Nunavut Silattuqsarvingmi.

ANGINIQHAILUNI NUNAQATIGIIKTUNIT MANILIURUTIKHAINIT…HARIMMAUTIGILUGU

PreparationNunavunmi-hanauyaqhimayuq nattiit amiingit atigit aahiittauq aanuraaliuqtumik (pualuit, kamiit taimaittunik) ilaliutauvluni aahit nanminiriyaat hunaliurutinit huraat hauniit tuutauyaliuqpagait, nikhiinilu. Takiyaaqtunit nuyait uumingalu puhitait tirigannianik, amaruit, qalviit, ukaliillu atuqtauttiarpagait. Aannuraat hanauyaliurniq ikayuutauvlutik nunaqatigiiktunut manikhaliurinirnut ihumagiyauttiarnilu Nunavunmiut huradjanik.

Hamna hanauyaliurniq aannuraamut pitquhituanguuvluni Inuinnait arnait hanauyatuanguuvluni ayuinnia ayuqiqtuivakhutik alraangutinit. Hamna hanauyarniq ilaliutigivagait manikhaliurnirnut huliyakhainit, ilaliutihimalugillu inuuhittiarnigut pitquhiita huliyakhainit Nunavunmiunut.

 

img