Ilitquhiita Pitquhialu

“Taimaraaluk inudjuhiqaqtugut, nattirmik atuqhugu. Qanuq angayuqqaavut inuuniaqqat nattiit atuqhimaitkumik.”
- Johnny Meeko Sr., Sanikiluaq, Nunavut

Culture and TraditionTiritqulgit avattitihimmaaqtut qangaraaluk taimani Inuit ilagiiktunut niqitqikhutik timimut. Amiillu piniqhivakhutik aannuraaliuqhutik kamiliuqhutiklu timimut qaayurnaiyaqhutik qaayurnami Ukiuqtaqtumi. Uqhua, uqquuhiqiyuktait, qullirmut iglumi, huli atuqhimmaaqtait qulliit ikittaraangat katimaliraangamik quviahuutauvakhutiklu.

Tadja nattiit atuqhimmaaqhugit ikayuutauvlunilu Ukiuqtaqtumi ublumimut huli pitquhituavlunilu ikayuutikhamut akihautivluni hivunikhaa. Nattiit ahiillu huradjat ikayuutuqauvluni maniktakhauliliurnikkut huli pitquhiqput ukpiruhuuvlunilu terminus nunallami atuqhimmaaqhugit aallannguvalliavluni inuuhiqput.

Inuit angunngutiit hunakkutait aallannguqpalliavluni inuuhitigut kihiani pitquhiita ikayuqatigiiktunik huli aulayuittuq. Nattiqhiurniq tammaqtailivluni qauyimatigut ihumagittiaqhugit taryurmiuttat uumayunit atauttimut ihumavlutik inuuhittiarnigut nunamut imarmillu . Inuit Qaujimajatuqangit, Inuinnait qauyimayut, ilaliutivlutik qauyimavlutik huradjat nunamiuttanillu.

Nattiqhiurniq Nunavunmi angunahuanginnarnik ihumayut; kihimi hivulliuniq qauyimanikkut huradjamut avatainnillu, ikayuutigivlutik niqhiurniq nunaqatigiiktunut, ammiqilirinirnut aannuraaliurnirnut, inuit pitquhiit atuqhimmaaqhugit tuniqhaivlutik qauyimania inutuqqainit inulrammiinut, quviahuutaulunilu Inuit pitquhituangat.

 

img