Nunavunmi Nattiqhiurniq

Nunavut nutaatqiyauvlun nunallaami ilaliuyuq hinaagut Kaanatam pingahuat taryunga. 30,000 nik inuuhimayunik amihuuninit inungnit 85 % pusaanit Inuinnainauyut. Hiamahimayut tamainnut avguumannuaqhimavlutik aktikkutaa Kaanatamit uvani 25 nik nunallaanik, apqutaittunilu kihiani tingmiakkuurpakhutik.

Hivulliuyut hivuanit Inuit ingilrahimalraartut Siberiam kivataanit qangalikiaq 4,000 ukiungani avatquumatilluni taimaniraaluk. Ilihimayauvlutik ayuitpiaqhutik qaayurnami inuuvakhutik taaqtumi ukiuraalungmi. Niklaqpiaqtumi hilaup, auktulaittumilu nauhittialaittumiklu nunaup niqikhamut.


Pitquhituanngittuuvlutik niqiliqinirnut angunahuarnirnilluhaffuminga aulahimaittumik. Hamna hivituyuq nunaryuanga ikittumik napaaqtuqaqhuni uqquuhikhamik iglukhamiklu Inuit iqalungnit, tingmianiklu, uumayuniklu anguniayuktut. Taimaa angunahuyukhutik ingilravakhutiglu Inuinnait avatainillu.

Nattiit angunahuartutuqauvagait niqikhamut aannuraaghamullu. Nattiqhiuliraangamik qilanaayuittuni, Inuit angunahuaqtut pitquhidjagivagaat tamna huradjat inuuhiangi ihumagittiaquvlugit. Nattiit Inuinnait pitquhituanguuvlutik, ilitquhirmadjuk qauyimania nattiit mikhaagut avatainillu, atuqhimmaaqhugu pitqutiita taimungaraaluk.

Tadja pitquhiit tiliurtauhimavluni ublumimut maligahuaqhugit nattiqhiurniq Nunavunmiunut; atuqhimmaarluni, ihumagittiarluni, tamatkiuluni aturahuaraangamik niqiliurnikkut, annuraanikkut, hanauyarnikkullu.

 

img