ᐃᓕᓐᓂᐊᖅᑎᑦᑎᓂᖅ ᐊᒻᒪᓗ ᐊᑐᖅᑕᐅᔪᓐᓇᕐᑐᑦ

ᓄᓇᕗᑦᒥᐅᑦ ᐃᓄᖁᑎᖏᑦ ᐊᓐᓇᐅᒪᓯᒪᔪᑦ ᐊᒥᓱᒻᒪᕆᖕᓄᑦ ᐅᑭᐅᓄᑦ ᓄᓇᕐᔪᐊᒥ ᐃᓅᕕᒃᓴᐅᑦᑎᐊᖏᓐᓂᖅᐹᒥ. ᒪᒥᐊᔾᔪᑎᖃᖏᑦᑐᑦ ᐊᑐᖃᑦᑕᕐᓂᕐᒥᒃ ᐱᖅᑯᓯᑐᖃᕐᒥᖕᓄᑦ ᐅᕝᕙᓘᓐᓃᑦ ᐃᓕᖅᑯᓯᑐᖃᕐᒥᖕᓄᑦ ᐃᒃᐱᒋᔭᒥᖕᓂᒃ. ᓇᑦᑏᑦ ᐊᖑᓇᓱᒃᑕᐅᖃᑦᑕᕐᓂᐊᕐᑐ ᓄᖑᑎᑕᐅᑦᑕᐃᓕᒪᓗᑎᒃ ᐊᕐᕌᒍᓄᑦ ᐊᒥᓱᓄᑦ, ᓂᕿᑦᑎᐊᕙᐅᓂᖏᓐᓄᑦ ᐊᒻᒪᓗ ᐊᒥᖏᓐᓄᑦ ᓴᓇᔭᐅᔪᓐᓇᕐᑐᓄᑦ ᐱᐅᔪᒻᒪᕆᐅᓗᑎᒃ ᐊᒻᒪᓗ ᐊᑑᑎᖃᑦᑎᐊᕐᓗᑎᒃ ᐊᓐᓄᕌᕆᔭᐅᓗᑎᒃ.

ᐃᓄᐃᑦ ᐊᒻᒪᓗ ᓄᓇᕗᑦᒥᐅᑦ ᐃᓕᓐᓂᐊᖅᑎᑦᑎᖃᑦᑕᐃᓐᓇᕐᓂᐊᕐᑐᑦ ᐃᓄᓕᒫᓂᒃ ᓇᑦᑎᕋᓱᖃᑦᑕᕐᓂᕐᒥᖕᓂᒃ; ᖃᓄᖅ ᓇᑦᑎᕋᓱᖃᑦᑕᕐᒪᖔᑕ ᓄᓇᕗᑦᒥ ᐊᒻᒪᓗ ᖃᓄᖅ ᐱᒻᒪᕆᐅᑎᒋᖕᒪᖔᑦ ᑮᓇᐅᔭᓕᐅᕈᑎᒋᓇᓱᐊᕐᓗᒍ, ᐃᓅᓯᓕᕆᓂᕐᒧᑦ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᖃᓄᖅ ᐊᒃᑐᐊᓂᖃᕐᒪᖔᑦ. ᐱᖁᑎᒥᖕᓂᒃ ᐊᒥᖅᑳᕈᑎᖃᕐᓗᑎᒃ, ᖃᐅᔨᒪᔭᑐᖃᕐᒥᖕᓂᒃ ᐊᒻᒪᓗ ᐃᓖᔭᖅᓱᐃᓇᑎᒃ ᐊᖑᓇᓱᖃᑦᑕᕐᓂᕐᒥᖕᓂᒃ ᓄᓇᕐᔪᐊᕐᒥᐅᓄᑦ, ᑲᔪᓰᓐᓇᕐᓂᐊᕐᑐᑦ ᑐᑭᓯᓂᕐᓗᒍᑕᐅᔪᓂᒃ ᑐᓴᖅᑎᑦᑎᑦᑎᐊᕐᓂᕐᒧᑦ ᖃᓄᖅ ᓄᖑᑎᑦᑎᑦᑕᐃᓕᒪᓪᓗᑕ ᐊᖑᓇᓱᓲᖑᖕᒪᖔᑕ.
 

img