ᐃᓕᖅᑯᓯᖅ ᐊᒻᒪᓗ ᐱᖅᑯᓯᖅ

"ᐃᒪᓐᓇ ᑕᕝᕚ ᐱᑕᖃᐃᓐᓇᐅᔭᖅᐳᒍᑦ, ᓇᑦᑎᕐᓂᒃ ᐊᑐᕐᖢᑕ. ᓯᕗᓕᕗᑦ ᐊᓐᓇᐅᒪᔪᓐᓇᕋᔭᖅᑰᓚᐅᖏᑦᑐᑦ ᓇᑦᑎᖅᑕᖃᓚᐅᖏᑉᐸᑦ."
- ᔮᓂᒦᑯ ᐊᖓᔪᒃᖠᖅ, ᓴᓂᑭᓗᐊᖅ, ᓄᓇᕗᑦ

Culture and Traditionᓇᑦᑏᑦ ᐊᓐᓇᐅᒪᑎᑦᑎᓯᒪᕗᑦ ᐊᒥᓱᓂᒃ ᓯᕗᓕᕇᓂᒃ ᐃᓄᖕᓂᒃ ᐃᓚᒌᓂᒃ ᓂᕿᑦᑎᐊᕙᐅᓂᕐᒥᒃᑎᒍᑦ. ᐱᐅᔪᒻᒪᕆᒃ ᕿᓯᖓ ᐊᓐᓄᕌᓕᐊᖑᕙᒃᐳᖅ ᐊᒻᒪᓗ ᑲᒥᓕᐊᖑᓪᓗᓂ ᐅᖅᑰᑎᑦᑎᔪᓐᓇᕐᑐᖅ ᓂᒡᓕᓇᖅᑐᒥᒃ ᑎᒥᒥᑦ. ᐅᖅᓱᖓ, ᐊᑐᖅᑕᐅᕙᓚᐅᖅᓯᒪᕗᖅ ᐃᑯᒪᔾᔪᑕᐅᓂᐊᕐᓗᓂ ᐃᒡᓗᕕᒐᕐᓂ ᐃᒡᓂᕕᒐᕐᓂᒡᓗ ᖃᐅᒪᑎᑦᑎᔾᔪᑕᐅᓪᓗᓂ, ᐊᒻᒪᓗ ᓱᓕ ᐊᑐᖅᑕᐅᕙᒃᑐᖅ ᖁᓪᓕᕐᒥᒃ ᐃᑭᑦᑎᔪᖃᕐᑎᓪᓗᒍ ᑲᑎᒪᓃᑦ ᐊᒻᒪᓗ ᖁᓐᖏᐊᕐᓂᐅᓂᐊᕐᑐᑦ ᐱᒋᐊᕐᓂᐊᓕᖅᑎᓪᓗᒋᑦ.

ᓇᑦᑎᖅ ᐱᒻᒪᕆᐅᓂᖅᐹᖑᖃᑕᐅᕗᖅ ᐊᑐᖅᑕᐅᕙᒃᑐᓂ ᐅᑭᐅᖅᑕᖅᑐᒥ ᐅᓪᓗᒥᐅᔪᖅ ᑕᐃᒪᓐᓇᑦᑕᐅᖅ ᐱᖅᑯᓯᑐᖃᐅᓚᐅᖅᑐᖅ ᐊᓐᓇᐅᒪᓇᓱᐊᕐᓂᕐᒧᑦ ᑮᓇᐅᔭᓕᐅᕈᑎᖃᕋᓱᐊᕐᓂᐅᔪᖅ ᐋᖅᑭᑉᐸᓪᓕᐊᑎᓪᓗᒍ ᓯᕗᓂᒃᓴᒥ ᐊᒃᓱᕈᕈᑕᐅᔪᓄᑦ. ᓇᑦᑏᑦ ᐊᒻᒪᓗ ᐊᓯᖏᑦ ᓂᕐᔪᑏᑦ ᓱᓕ ᐊᖏᔪᒥᒃ ᑮᓇᐅᔭᓕᐅᕈᑕᐅᔪᓐᓇᕐᑐᑦ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᐊᑐᕐᓂᐊᕐᓂᕋᖅᑕᐅᓯᒪᓪᓗᑎᒃ ᐅᑭᐅᖅᑕᖅᑐᒥ ᓄᓇᓕᐅᔪᑦ ᐊᓯᔾᔨᖅᐸᓪᓕᐊᑎᓪᓗᒋᑦ ᐃᓅᓯᕐᒧᑦ ᐅᓪᓗᒥᐅᔪᖅ.

ᐃᓄᐃᑦ ᐊᖑᓇᓲᓯᖏᑦ ᐊᓯᔾᔨᖅᓯᒪᕗᑦ ᑕᒪᓐᓇ ᐃᓕᖅᑯᓯᕐᒧᑦ ᐊᓯᔾᔨᕐᓂᐅᔪᖅ ᒪᓕᒃᖢᒍ ᑭᓯᐊᓂᓕ ᐊᑐᖅᑕᐅᕙᒃᑐᑐᖃᖅ ᐊᒥᖅᑳᖃᑦᑕᐅᑎᖃᑦᑕᕐᓂᕐᒧᑦ ᑲᔪᓯᔪᖅ. ᓇᑦᑎᕋᓱᖃᑦᑕᕐᓂᖅ ᐱᓯᒪᐃᓐᓇᖅᑎᑦᑎᕗᖅ ᓇᓗᓇᖏᑦᑎᐊᕐᑐᒥᒃ ᖃᐅᔨᒪᓂᐅᔪᒥᒃ ᐊᒻᒪᓗ ᐃᒪᕐᒥᐅᑕᐃᑦ ᐃᓂᒋᔭᖏᓐᓂᒃ ᐃᒃᐱᒍᓱᑦᑎᐊᕐᓂᕐᒥᒃ ᓴᑦᑭᓯᒪᔪᖅ ᐃᓅᖃᑎᖃᕐᓂᕐᒥᒃ ᓄᓇᒥ ᐊᒻᒪᓗ ᐃᒪᕐᒥᒃ. ᐃᓄᐃᑦ ᖃᐅᔨᒪᔭᑐᖃᖏᑦ, ᐃᓄᐃᑦ ᖃᐅᔨᒪᔾᔪᓯᖓ, ᐃᓚᖃᐅᕐᑐᖅ ᖃᐅᔨᒪᔭᖃᕐᓂᕐᒥᒃ ᓂᕐᔪᑎᓂᒃ ᐊᒻᒪᓗ ᐊᕙᑎᒥᒃ.

ᓇᑦᑎᕋᓱᖃᑦᑕᕐᓂᖅ ᓄᓇᕗᑦᒥ ᑐᑭᖃᑐᐃᓐᓇᖏᒻᒪᑦ ᐊᖑᓇᓱᖕᓂᕐᒥᑦ; ᑐᑭᖃᕐᒪᓪᓕ ᑕᐃᑲᓐᖓᑲᐅᑎᒋ ᖃᐅᔨᒪᔭᖃᕐᓂᕐᒥᒃ ᓂᕐᔪᑎᓂᒃ ᐊᒻᒪᓗ ᐊᕙᑎᓕᕆᓂᕐᒥᒃ ᓄᓇᓕᐅᔪᓄᑦ ᓂᕿᑖᖅᑎᑦᑎᓂᕐᒥᒃ, ᐊᓐᓄᕌᒃᓴᓕᐅᕐᓂᕐᒥᒃ, ᑲᔪᓰᓐᓇᖅᑎᑦᑎᓂᕐᒥᒃ ᐱᓕᕆᔭᐅᕙᒃᑭᑐᑐᖃᕐᓂᒃ, ᐃᓄᑐᖃᐃᑦ ᖃᐅᔨᒪᔭᖏᓐᓂᒃ ᒪᒃᑯᒃᑐᓄᑦ ᑐᓂᐅᖅᑲᐃᓂᕐᒥᒃ, ᐊᒻᒪᓗ ᖁᕕᐊᓲᑎᖃᕐᓂᕐᒥᒃ ᐃᓄᐃᑦ ᐃᓕᖅᑯᓯᓕᕆᓂᕐᒧᑦ ᐅᒃᐱᕆᔭᐅᔪᓂᒃ.

img