ᐃᓖᔭᖅᓱᐃᖏᓐᓂᖅ

ᐃᓄᖕᓂᑦ ᐃᓱᒪᒋᔭᐅᔪᖅ ᐃᒪᐃᑦᑑᖕᒪᑦ ᑕᒪᕐᒥᒃ ᐆᒪᔪᑦ ᐊᓂᕐᓂᖃᕐᒪᑕ ᐊᒻᒪᓗ ᑕᕐᓂᖃᕐᖢᑎᒃ ᐱᑕᖃᐃᓐᓇᓲᓂᒃ ᐃᓅᓯᖅ ᑎᒥᒥᑦ ᐊᕗᑎᒐᓗᐊᖅᑎᓪᓗᒍ. ᐃᓄᐃᑦ ᖁᔭᓕᓲᖑᖕᒪᑕ ᓂᕿᒃᓴᖃᖅᑎᑕᐅᓂᕐᒥᒃ, ᐊᓐᓄᕌᒃᓴᖃᖅᑎᑕᐅᓂᕐᒥᒃ ᐊᒻᒪᓗ ᐊᓯᖏᓐᓂᒃ ᐱᔭᐅᔭᕆᐊᖃᕐᑐᓂᒃ ᓇᑦᑎᕐᒥᑦ ᐊᑐᐃᓐᓇᐅᑎᑕᐅᔪᓂᒃ.

ᑭᒡᒐᖅᑐᐃᔨᐅᔪᑦ ᑲᓇᑕᒥ ᓂᕐᔪᑎᓄᑦ ᐃᓗᐊᖅᓴᐃᔩᑦ ᑲᑐᔾᔨᖃᑎᒌᖏᑦ ᖃᐅᔨᓯᒪᔪᑦ ᑲᓇᑕᒥ ᖃᐃᕈᓖᑦ ᐊᖑᓇᓱᒃᑕᐅᓚᐅᖅᑎᓪᓗᒋᑦ 2002-ᒥ, ᐅᖃᐅᓯᖃᓚᐅᕐᑐᑦ, ᓂᕐᔪᑎᓂᒃ ᖃᐅᔨᓴᕐᑕᐅᔪᓂ, 985 ᑐᖁᑕᐅᓚᐅᕐᑐᑦ ᓈᒻᒪᒋᔭᐅᔪᑦ ᐃᓖᔭᖅᓱᐃᓇᑎᒃ ᐊᑐᕐᖢᒍ. ᑖᓐᓇ ᖃᐅᔨᓴᕐᓂᐅᓚᐅᖅᑐᖅ ᐊᔾᔨᖃᖅᑎᐊᓚᐅᖅᑐᖅ ᐱᐅᑦᑎᐊᖅᑐᒃᑯᑦ ᓂᕐᔪᑏᑦ ᖃᓄᐃᖏᑦᑎᐊᕆᐊᖃᕐᓂᖏᑦ ᐊᑐᕐᖢᒋᑦ ᒪᓕᒃᑕᐅᔭᕆᐊᓕᑦ ᓂᕐᔪᑎᓄᑦ ᑐᖁᕋᐃᕕᖕᓂ ᐊᒥᐊᓕᒐᐃᑦ ᐅᐊᖕᓇᖓᓂ ᐊᒻᒪᓗ ᑕᕆᐅᑉ ᐊᑭᐊᓂ ᑲᑐᔾᔨᖃᑎᒌᓂᑦ.

ᑭᒡᓕᓯᓂᐊᖅᑎᐅᔪᑦ (“ᒪᓘᕕ ᑭᒡᓕᓯᓂᐊᖅᑏᑦ), ᑎᒃᑯᐊᖅᑕᐅᓯᒪᔪᑦ ᑲᓇᑕᐅᑉ ᒐᕙᒪᖏᓐᓂᑦ ᓇᑦᑎᕋᓱᖁᔨᖏᑦᑐᑦ ᓈᒻᒪᒃᓴᓐᖏᓚᐅᖅᑎᓪᓗᒋᑦ, ᓇᓗᓇᐃᖅᓯᓚᐅᖅᑐᑦ ᓂᕐᔪᑎᑦ ᓄᔪᐊᖅᑕᐃᑦ ᑐᖁᕋᖅᑕᐅᑎᓪᓗᒋᑦ ᓱᖁᑕᐅᖏᑦᑐᓐᓇᕐᑐᖅ ᐃᓖᔭᖅᓱᐃᓐᖏᑐᐊᖅᐸᑕ ᑎᓴᒪᐅᔪᑦ ᒪᓕᖁᔭᐅᓯᒪᔪᑦ ᐊᑐᕐᑕᐅᒃᐸᑕ: ᓂᕐᔪᑏᑦ ᐊᑦᑕᕐᓇᖅᑐᒦᑐᑉᐸᑕ, ᐋᓐᓂᐊᖅᑎᑕᐅᖏᑉᐸᑕ ᐊᒻᒪᓗ ᐃᓖᔭᕆᔭᐅᖏᑉᐸᑕ, ᑖᓐᓇ ᑐᖁᕋᐃᓂᖅ ᐱᒻᒪᕆᐅᔪᒥᒃ ᐊᑑᑎᖃᕐᐸᑦ ᐊᒻᒪᓗ ᑐᖁᕋᐃᓂᐅᔪᖅ ᐃᒃᓯᓐᓇᐃᓂᖅᑕᖃᖏᑉᐸᑦ. ᓄᓇᕗᑦᒥ ᐊᖑᓇᓱᖕᓂᐅᕙᒃᑐᖅ ᐱᔭᕐᓂᖅᑐᒃᑯᑦ ᒪᓕᑦᑎᐊᕐᐳᖅ ᑕᒪᐃᓐᓂᒃ ᐊᑐᖁᔭᐅᓯᒪᔪᓂᒃ.
 

ᓈᒻᒪᒋᔭᐅᖏᓐᓂᖅ

ᓂᕐᔪᑎᓂᒃ ᓯᕐᓈᖅᑏᑦ ᐊᒻᒪᓗ ᓈᒪᒃᓴᖃᑦᑕᖏᑦᑐᑦ

“ᐃᓄᐃᑦ ᓇᑦᑎᕋᓱᖃᑦᑕᕐᓂᖏᓐᓄᑦ ᓈᒻᒪᒃᓴᖏᓐᓂᐅᔪᖅ ᓱᓕ ᐃᓱᓕᓕᒑᖏᑦᑐᖅ...ᓇᓗᓇᐃᖅᑕᐅᕙᒃᐳᖅ ᓯᕗᓪᓕᕐᐸᒥᒃ ᐱᔮᕆᓂᒃᑯᑦ ᖃᓪᓗᓈᓂᑦ (ᐃᓅᓪᓚᕆᐅᖏᑦᑐᓂᑦ; ᑕᐅᕆᑉ ᐊᑭᐊᓂᕐᒥᐅᓂᑦ) ᖁᔭᓈᖅᓯᑎᓐᓇᓱᐊᕐᓗᒋᑦ ᐊᑐᖅᐸᒃᑕᒥᖕᓂᑦ ᐃᓕᖅᑯᓯᓕᕆᓂᕐᒥᒃᑎᒍᑦ ᓇᖕᒥᓂᖅ ᐱᓕᕆᔪᓐᓇᕐᓂᕐᒥᖕᓂᒃ.”

- Wenzel “ ᕗᐃᓐᔨᐅᓪ “ᓂᕐᔪᑏᑦ ᐱᔪᓐᓇᐅᑎᖏᑦ, ᐃᓄᐃᑦ ᐱᔪᓐᓇᐅᑎᖏᑦ: ᐱᕈᖅᑐᓕᕆᓂᖅ, ᑮᓇᐅᔭᓕᐅᕋᓱᐊᕐᓂᖅ ᐊᒻᒪᓗ ᐃᓱᒪᒋᔭᐅᒐᔪᒃᑐᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ (1991)

Humaneᓄᓇᕗᑦᒥᐅᑦ ᐃᑲᔪᖅᑐᐃᔪᑦ ᓂᕐᔪᑏᑦ-ᑲᒪᒋᔭᐅᑦᑎᐊᕐᓂᖏᓐᓄᑦ ᒪᓕᒐᓕᐅᕐᓂᕐᒥᒃ. ᐃᓄᐃᑦ ᐊᒃᑐᐊᖏᓐᓇᐅᔭᖅᓯᒪᖕᒪᑕ ᐊᕙᑎᒧᑦ, ᐊᒻᒪᓗ ᐃᒃᐱᒋᓪᓗᒋᑦ ᓂᕐᔪᑎᐅᔪᑦ ᐃᑲᔪᖅᓯᓯᒪᔪᑦ (ᐃᓄᐃᑦ) ᐊᓐᓇᐅᒪᔪᓐᓇᕐᓂᖏᓐᓄᑦ ᐅᑭᐅᓄᑦ ᐊᒥᓱᒻᒪᕆᖕᓄᑦ. ᑭᓯᐊᓂ ᑕᒪᓐᓇ ᐱᑕᖃᖃᑎᒌᖕᓂᐅᔪᖅ ᐊᑦᑕᕐᓇᖅᑐᒦᑎᑕᐅᖕᒪᑦ ᐊᑭᕋᖅᑐᖅᑎᓂᑦ ᓂᕐᔪᑎᓂᒃ ᓯᕐᓈᕐᑎᓂᑦ ᑎᒥᐅᔪᓂᑦ ᐊᑐᖅᐸᒃᑐᓂᒃ ᑕᐅᑦᑐᖃᖅᑎᓇᓱᒃᖢᑎᒃ ᓇᑦᑏᑦ ᐊᑐᖅᑕᐅᕙᒃᖢᑎᒃ ᑕᑯᒥᓇᖏᑦᑐᑎᒍᑦ ᑭᓇᐅᔭᓂᒃ ᐱᕈᖅᑎᓇᓱᐊᕐᑎᓪᓗᒋᑦ.

ᐃᓂᖃᕐᓂᖅ ᐅᑭᐅᖅᑕᖅᑐᒥ ᐊᒻᒪᓗ ᖃᐅᑕᒫᑦ ᐊᒃᑐᐊᓂᖃᕐᓂᖓᑦ ᐃᓄᐃᑦ ᓄᓇᒧᑦ ᐱᔭᕐᓂᖏᑦᑐᓐᓇᕐᒪᑦ ᑕᐅᑐᓐᖑᐊᕐᓗᒍ. ᐊᐃᑦᑖᖑᒐᓗᐊᖅ, ᐋᖅᑭᑦᑎᐊᖅᓯᒪᔪᑦ ᐊᔾᔨᓐᖑᐊᑦ ᐊᒻᒪᓗ ᐅᖃᐅᓰᑦ ᐊᑐᖅᑕᐅᔪᑦ ᓂᕐᔪᑎᓂᒃ ᓯᕐᓈᖅᑎᓄᑦ ᑎᒥᐅᔪᓂᑦ ᓂᓐᖓᐅᒪᓂᕐᒥᒃ ᓴᖅᑮᓲᖑᖕᒪᑕ ᑐᑭᖃᕈᓐᓃᖅᑎᑦᑎᕙᒃᖢᑎᒡᓗ ᖃᐅᔨᓴᕈᑕᐅᓯᒪᔪᓂᒃ ᐊᒻᒪᓗ ᓂᐱᖃᕈᓐᓃᖅᑎᑦᑎᕙᒃᖢᑎᒃ ᐃᓄᐃᑦ ᓂᐱᖏᓐᓂᒃ ᐃᓕᖅᑯᓯᖃᕐᑐᓂᒃ ᐊᒃᑐᐊᓂᖃᐃᓐᓇᐅᔭᕐᖢᑎᒃ ᓄᓇᒧᑦ. ᐊᕙᑎᓕᕆᓂᖅ ᖃᐅᔨᓴᕐᓂᐅᖕᒪᑦ ᐊᒻᒪᓗ ᐊᑐᖅᑕᐅᔭᕆᐊᖃᖏᑦᑐᖅ ᐊᓯᐅᑎᑦᑎᓇᓱᐊᕐᓂᕐᒧᑦ ᐃᓕᖅᑯᓯᖃᕐᓂᐅᑉ ᐊᔾᔨᒋᓐᖏᑕᖓᓂᒃ.
 

"ᓱᓕᓇᓱᒋᔭᐅᓪᓗᐊᑕᓲᖑᔪᖅ (ᓂᕐᔪᑎᓂᒃ ᓯᕐᓈᖅᑎᓂᑦ) ᐃᒪᐃᑦᑑᖕᒪᑦ ᖃᓪᓗᓈᖅ ᐃᒻᒥᓂᒃ ᐊᕗᑎᓯᒪᖕᒪᑦ ᓴᓇᔭᐅᓯᒪᔪᓂᑦ ᐃᒻᒥᓂᒃ ᑕᐃᓪᓗᓂ “ᓯᓚᑖᓂᒥᐅᑕᐅᓂᕐᒥᓂᑦ”. ᑭᓯᐊᓂ ᐱᔪᓐᓇᖃᕈᓐᓃᖅᑎᑦᓂᖅ ᑕᐃᒃᑯᓂᖓ ᐃᓄᖕᓂᒃ ᐊᒃᑐᐊᓂᖃᑦᑎᐊᕐᑐᓂᒃ ᓄᓇᒧᑦ, ᓂᕐᔪᑎᓂᑦ ᓯᕐᓈᖅᑎᓂᑦ ᐃᓱᒪᒋᔭᐅᓯᒪᔪᖅ ᐊᑐᓕᖅᑎᑦᑎᕙᖕᒪᑦ ᐊᖏᓕᕙᓪᓕᐊᔪᒥᒃ ᐊᐅᓚᑦᑎᓂᐅᔪᒥᒃ ᐅᓪᓗᒥᐅᔪᒧᑦ ᐋᖅᑭᒃᓯᒪᔪᑦ ᐃᓚᒋᔭᖓᓄᑦ, ᐊᕕᑎᑦᖔᓕᕐᖢᓂ ᒪᒥᑎᑦᑎᓐᖏᖔᕐᖢᓂ ᐊᑲᐅᓐᖏᓕᐅᕈᑎᐅᔪᒥᒃ ᐃᓄᖕᒧᑦ ᐊᒻᒪᓗ ᐊᕙᑎᒧᑦᕕᓂᕐᔪᑎᓄᑦ"

– ᖑᓪᓕᐅᔾᔨᓂᖅ: ᓂᕐᔪᑏᑦ ᐱᔪᓐᓇᐅᑎᖏᓐᓄᑦ ᓈᒻᒪᒃᓴᖏᓐᓂᐅᔪᖅ"(1985))

ᐊᕐᕌᒍᕋᑖᖅᑐᓂ ᓈᒻᒪᒌᖃᑦᑕᐅᑎᖏᓐᓂᐅᔪᒥᒃ ᓴᖅᑭᓯᒪᔪᖃᕐᒪᑦ ᓂᕐᔪᑎᓄᑦ ᓯᕐᓈᖅᑎᓂ ᐊᒻᒪᓗ ᐊᓯᐅᑎᑦᑕᐃᓕᒪᓂᕐᒧᑦ ᑎᒥᐅᔪᓂᑦ, ᐊᓯᐅᑎᑦᑎᑕᐃᓕᒪᓂᕐᒧᑦ ᑎᒥᐅᔪᓂᑦ, ᐃᓕᓴᖅᓯᓯᒪᑦᑎᐊᕐᒪᑕ ᓱᓕᔪᓂᒃ ᓄᔪᐊᕐᑐᓂ ᐆᒪᕕᐅᔪᓂ ᑲᒪᑦᑎᐊᕐᖢᓂ ᐊᓯᐅᑎᑦᑎᑦᑕᐃᓕᒪᓂᖅ ᐱᔭᕆᐊᖃᖅᑎᑦᑎᖏᒻᒪᑦ ᓂᕐᔪᑏᑦ ᐊᖑᓇᓱᒃᑕᐅᔭᕆᐊᖃᕐᓂᖏᓐᓂᒃ ᓂᕐᔪᑏᑦ ᐊᖑᓇᓱᒃᑕᐅᔭᕆᐊᖃᕐᓂᖏᓐᓂᒃ ᓂᕐᔪᑎᓂᒃ ᐊᑦᑕᕐᓇᑦᑐᒦᖏᑦᑐᓂᒃ, ᓱᕐᓗ ᓇᒃᑎᕐᓂᒃ.

ᓇᓗᓇᐃᖅᑕᐅᑎᓪᓗᒍ ᐊᓯᐅᑎᑦᑎᑕᐃᓕᒪᓂᖅ ᐱᓕᕆᐊᖑᖏᓐᓂᖓᓂᒃ ᓇᑦᑏᑦ ᐊᖑᓇᓱᒃᑕᐅᖃᑦᑕᕐᓂᖏᓐᓂ ᐊᒻᒪᓗ ᐅᖃᐅᑕᐅᓯᒪᔪᑦ ᐃᓖᔭᖅᓱᐃᖃᑦᑕᕐᓂᕋᐃᓯᒪᔪᑦ ᓱᓕᖏᓐᓂᕋᖅᑕᐅᑎᓪᓗᒋᑦ, ᐊᑕᐅᓯᐅᖏᑦᑐᑦ ᐊᕙᑎᓕᕆᓂᕐᒧᑦ ᑎᒥᐅᔪᑦ ᐃᓚᐅᑕᐅᔪᓐᓃᓚᐅᖅᓯᒪᕗᑦ ᓇᑦᑎᕋᓱᐊᖃᑦᑕᖁᔨᖏᑦᑐᓂ, ᓲᕐᓗ ᓄᓇᕐᔪᐊᕐᒥ ᐆᒪᔪᓕᕆᔨᕐᔪᐊᒃᑯᑦ, ᒍᕇᓐ ᐱᔅᑯᑦ, ᑲᓇᑕᒥ ᐋᑐᐹᓐ ᓴᓴᐃᐊᑎᒃᑯᑦ, ᐊᒻᒪᓗ ᐊᓐᑎᐅᕆᐅᒥ ᓂᕐᔪᑎᓂᒃ ᐃᓖᔭᖃᖁᔨᖏᑦᑐᑦ. ᓱᓕᕗᕐᓕ ᓄᓇᕐᔪᐊᕐᒥ ᐊᓯᐅᑎᑦᑎᑕᐃᓕᒪᓂᕐᒧᑦ ᔫᓂᐊᓐᖏᑦ ᐊᖏᕈᓐᓇᓚᐅᖏᑦᑐᑦ ᐊᑭᕋᖅᑐᕐᖢᑎᒃ ᓂᕐᔪᑎᓂᒃ ᓯᕐᓈᖅᑎᐅᔪᑦ ᑎᒥᖏᑕ ᐃᓚᒋᔭᐅᓕᕈᒪᓂᖏᓐᓂᒃ. ᑖᒃᑯᐊ ᑎᒥᐅᔪᑦ ᓱᕋᒃᓯᓲᖑᓐᒪᑕ ᓱᓕᔪᒥᒃ ᐊᕙᑎᓕᕆᓂᕐᒧᑦ ᐱᓕᕆᐊᖑᔪᓂᒃ ᓄᓇᕐᔪᐊᕐᒥᐅᓂᑦ ᐃᓚᐅᕝᕕᒋᔭᐅᔪᓂ.
 

"ᐃᓄᖕᓄᑦ, ᐆᒪᔪᖃᕐᕕᐅᔪᑦ, ᐊᖑᓇᓱᖕᓂᖅ ᐊᒻᒪᓗ ᐃᓕᖅᑯᓯᓕᕆᓂᖅ ᐊᑕᐅᓯᐅᖕᒪᑕ. ᓇᑦᑎᐅᑉ ᐊᒥᖏᑦ, ᐅᑭᐅᖅᑕᑦᑐᒥᐅᑕᕐᓄᑦ ᖃᓪᓗᓈᓐᖑᖅᑎᑕᐅᓯᒪᓇᓱᖕᓂᑯᓄᑦ ᑕᕆᐅᑉ ᐊᑭᐊᓂᕐᒥᐅᓂᑦ, ᐊᑐᐃᓐᓇᐅᑎᑦᑎᕙᖕᒪᑦ ᒥᑭᑦᑐᑯᓗᖕᒥᒃ ᐱᓕᕆᐊᒃᓴᒥᒃ ᐅᔭᕋᖕᓂᐊᕐᕕᖕᓂᑦ ᐊᒻᒪᓗ ᐅᖅᓱᐊᓗᒃᓯᐅᕐᑎᓂᑦ, ᒐᕙᒪᓂᑦ ᐊᐅᓚᑕᐅᓂᕐᒥᐅᓂᑦ, ᐊᐅᓚᑕᐅᓂᕐᒥᒃ ᐊᒻᒪᓗ ᐱᑦᑎᐊᕈᒪᓪᓗᑎᒃ ᐊᑐᖁᔭᐅᓯᒪᔪᓂᑦ."

- ᕗᐃᓐᓯᐅᓪ "ᓂᕐᔪᑏᑦ ᐱᔪᓐᓇᐅᑎᖏᑦ, ᐃᓄᐃᑦ ᐱᔪᓐᓇᐅᑎᖏᑦ: ᐱᕈᖅᑐᓕᕆᓂᖅ, ᑮᓇᐅᔭᓕᐅᕋᓱᐊᕐᓂᖅ ᐊᒻᒪᓗ ᐃᓱᒪᒋᔭᐅᒐᔪᒃᑐᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ" (1991)

 

 

img