ᐊᑐᐃᓐᓇᕈᓐᓇᕐᑐᖅ

ᐊᑐᖅᑕᐅᔪᓐᓇᖅᑐᑦ ᐊᐅᓚᑕᐅᓂᖏᑦ

ᓇᑦᑎᖅ ᐃᓄᑑᒐᔪᖕᒪᑦ. ᐊᕗᖔᓗᑦ ᐃᖏᕐᕋᕙᒃᑐᖅ ᐃᒻᒥᓂᒃ, ᐱᖃᑎᖃᓐᖏᖔᕐᖢᓂ ᖃᐅᔨᒪᔭᐅᓂᖅᓴᐅᔪᑎᑐᑦ ᖃᐃᕈᓕᒃᑎᑐᑦ. ᑕᑯᒐᔪᖕᓇᖏᑦᑐᖅ ᐊᑕᐅᓯᐅᖏᑦᑐᒥᒃ ᒪᕐᕉᖕᓂᒡᓗᓐᓃᑦ ᓇᑦᑏᖕᓂᒃ ᐊᒻᒪᓗ ᐃᔨᖅᓯᒪᒐᔪᒃᖢᑎᒃ ᓯᑰᑉ ᐊᑖᓂ ᐅᕝᕙᓗᓐᓃᑦ ᐃᒪᐅᑉ ᐊᑖᓂ. ᓂᕐᔪᑎᓂᒃ ᖃᐅᔨᓴᖅᑏᑦ ᐅᖃᓲᖑᔪᑦ ᑕᐃᒪᓐᓇ ᐱᔭᕐᓂᖃᑦᑕᖏᒻᒪᑕ ᓇᓚᐅᑦᑖᕋᓱᒃᖢᒋᑦ ᐅᓄᕐᓂᖏᑦ, ᑭᓯᐊᓂ ᖃᖓᑕᓲᒃᑯᑦ ᖃᐅᔨᓴᕐᓂᐅᕙᒃᑐᑦ ᑲᑎᖅᓱᖅᑕᐅᓯᒪᔪᑦ ᐊᒻᒪᓗ ᓇᑦᑎᐊᕕᓃᑦ ᓇᐃᓴᖅᑕᐅᖃᑦᑕᕐᓂᖏᑦ ᓇᓗᓇᐃᖅᓯᓯᒪᓪᓗᑎᒃ ᓇᑦᑏᑦ ᐅᓄᕐᓂᖏᑦ 1.5-2 ᒥᓕᐊᓐᖏᓐᓃᓐᓂᕋᖅᑕᐅᓪᓗᑎᒃ. ᖃᐅᔨᓴᐅᑕᐅᓂᑯᐃᑦ ᒪᓐᓇᕈᓗᒃ ᐅᑭᐅᖑᕋᑖᕐᑐᓂ ᓇᓗᓇᐃᖅᓯᓯᒪᖏᒃᑲᓗᐊᖅᑎᓪᓗᒍ ᓄᖑᓕᕐᓂᖏᓐᓂᒃ, ᐅᓄᕐᓂᖏᓐᓂᑦ ᐊᓐᖑᑕᐅᕙᒃᑐᑦ ᐃᓄᖕᓂᑦ ᐊᖑᓇᓱᒃᑎᓂᑦ, ᐅᓄᕐᓂᖃᓪᓗᐊᕐᑐᑦ 35,000-ᓂᒃ ᐅᑭᐅᑕᒫᑦ, ᑲᔪᓰᓐᓇᕈᓐᓇᕐᑐᖅ.

ᐊᖑᓇᓱᒃᑕᐅᖃᑦᑕᕐᓂᖏᑦ ᓇᑦᑏᑦ ᐊᒻᒪᓗ ᐊᓯᖏᑦ ᓂᕐᔪᑏᑦ ᓄᓇᕗᑦᒥ ᖃᐅᔨᓴᖅᑕᐅᑦᑎᐊᕐᒪᑕ ᓄᓇᕗᑦᒥ ᐆᒪᔪᓕᕆᔨᕐᔪᐊᒃᑯᓐᓂᑦ. ᑲᑎᒪᔨᐅᔪᑦ ᑕᑎᖃᓲᑦ ᐊᔾᔨᒌᖏᑦᑐᓂᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪᓗ ᖃᓪᓗᓈᑦ ᖃᐅᔨᓴᖃᑦᑕᕐᓂᖏᑎᒍᑦ. ᐱᓕᕆᐊᕆᔭᖏᑦ ᐊᐅᓚᑦᑎᖃᑎᒋᔾᔪᑕᐅᑦᑎᐊᕐᑐᑦ ᑲᓇᑕᒥ ᑲᒪᔨᐅᔪᓂᑦ.

ᐊᑕᐅᓯᐅᖏᑦᑐᑦ ᐅᖃᓕᒫᒐᓕᐊᖑᓯᒪᔪᑦ 1998-ᒥ ᐊᑦᓚᓐᑎᐅᑉ ᐅᐊᖕᓇᖓᑕ ᐃᒪᕐᒥᐅᑕᓄᑦ ᑎᓕᔭᐅᓯᒪᔪᑦ (NAMMCO) ᖃᐅᔨᓴᕐᓂᕐᒧᑦ ᑲᑎᒪᔨᕋᓛᖏᑦ ᐊᑐᐃᓐᓇᐅᑎᑦᑎᓚᐅᕐᒪᑕ ᖃᐅᔨᓴᐅᑕᓯᒪᔪᕕᓂᕐᓂᒃ ᓇᑦᑏᑦ ᐅᓄᕐᓂᖏᓐᓂᒃ ᐊᒻᒪᓗ ᐊᓐᖑᑕᐅᕙᒃᑐᑦ ᐅᓄᕐᓂᖏᓐᓂᒃ. ᐃᓚᒋᔭᖓᑦ ᖃᐅᔨᔭᐅᓚᐅᕐᑐᖅ ᐊᑦᓚᓐᑎᐅᑉ ᐅᐊᖕᓇᖓᑕ ᐃᒪᕐᒥᐅᑕᓄᑦ ᑎᓕᔭᐅᓯᒪᔪᑦ ᖃᐅᔨᓴᕐᓂᕐᒧᑦ ᑲᑎᒪᔨᕋᓛᖏᑕ ᐱᓕᕆᐊᖓᓐᓂ ᐅᖃᕐᓯᖃᓚᐅᕐᒪᑦ “ᒪᓐᓇᐅᔪᒥ ᐊᖑᓇᓱᖕᓂᐅᕙᒃᑐᑦ ᐊᒻᒪᓗ ᓄᖑᑕᐅᕙᓪᓕᐊᓂᖏᑕ ᐅᓄᕐᓂᖏᑦ ᐊᒃᑐᐃᓗᐊᔾᔭᖏᑦᑐᑦ ᓇᑦᑏᑦ ᐅᓄᕐᓂᖏᓐᓂᒃ.” ᒪᓐᓇᐅᔪᒥ ᐃᓄᐃᑦ ᐊᖑᓇᓱᒃᑎᖏᑦ ᐅᔾᔨᕈᓱᒃᓯᒪᖏᑦᑐᑦ ᐃᒃᐱᖕᓇᖅᑐᑎᒍᑦ ᐋᓐᓂᐊᖃᕐᓂᖏᓐᓂᒃ ᐅᕕᕙᓗᓐᓃᑦ ᒥᒃᖠᕙᓪᓕᐊᓂᖏᓐᓂᒃ ᓇᑦᑏᑦ ᒫᓐᓇᑦᑎᐊᒃᑯᑦ, ᐅᕝᕙᓘᓐᓃᑦ ᐅᔾᔨᕈᓱᒃᓯᒪᖏᑦᑐᑦ ᐊᖏᓕᒋᐊᖅᓯᒪᖕᒪᖔᑕ ᖃᓂᒪᖃᕐᓂᖏᑦ. ᓄᓇᕗᑦᒥ ᓇᑦᑏᑦ ᐅᓄᕐᓂᖏᑦ, ᓇᓗᓇᐃᖅᑕᐅᓯᒪᓂᖏᑎᒍᑦ, ᐊᑦᑕᕐᓇᖅᑐᒦᖏᑦᑐᑦ.

 

img