ᐊᓐᓄᕌᕆᒃᓴᐅᑎᑦ

ᐱᖅᑯᓯᑐᖃᖅ ᐊᒻᒪᓗ ᐊᑑᑎᖃᕐᓂᖓ ᑲᑎᓗᒍ ᐊᓐᓄᕌᕆᒃᓴᐅᑎ

Seal Fasionᓄᓇᕗᑦᒥᐅᑦ ᐅᐱᒋᔭᖃᕐᐳᑦ ᐊᑐᕆᐊᒃᓴᖅ ᕿᓯᕋᔭᖕᓂᒃ ᐊᓐᓄᕌᓂᒃ. ᐃᑦᑕᕐᓂᓴᐃᑦ ᐊᓐᓄᕌᑦ ᓱᓕ ᐅᔾᔨᕐᓇᖅᑐᑦ ᐅᑭᐅᖅᑕᖅᑐᒥ, ᐱᓗᐊᕐᑐᒥ ᐊᖑᓇᓱᒃᑎᓄᑦ ᐅᖅᑰᔭᕆᐊᖃᕐᖢᑎᒃ ᐊᒻᒪᓗ ᐊᑲᐅᑦᑎᐊᕐᓂᖏᓐᓄᑦ ᓂᕐᔪᑎᐅᑉ ᕿᓯᖏᑦ ᐊᓐᓄᕌᕆᓪᓗᒋᑦ ᐊᒻᒪᓗ ᒥᖅᑯᓖᑦ ᐊᓐᓇᐅᒪᔾᔪᑕᐅᑎᓪᓗᒋᖅ ᓯᓚᒥᑦ. ᒪᒃᑯᖕᓂᖅᓴᐅᔪᑦ ᐊᑐᕐᓂᖅᓴᐅᓕᕐᒥᔪᑦ ᓇᑦᑏᑦ ᕿᓯᖏᑦ ᐊᑐᖅᑕᐅᔪᓐᓇᕐᓗᑎᒃ ᐊᓐᓄᕌᕆᒃᓴᐅᑕᓗᑎᒃ. ᐊᓐᓄᕌᕆᒃᓴᐅᑏᑦ ᓇᓗᓇᐃᖅᓯᔪᓐᓇᕐᐳᑦ ᐃᓕᖅᑯᓯᕆᔭᒥᒃ ᐅᐱᒋᔭᖃᕐᓂᕐᒥᒃ, ᑲᑎᖅᓱᖅᑕᐅᓂᖏᓐᓂᒃ ᐊᑑᑎᖃᑦᑎᐊᕐᑐᑦ ᐱᔭᐅᕙᕆᐊᖃᕐᓂᖏᓐᓂᒃ, ᐱᐅᓴᐅᑎᐅᓪᓗᑎᒃ ᓴᓇᓯᒪᔪᑦ ᐊᒻᒪᓗ ᓄᑕᐅᖏᑦᑐᑎᑐᑦ ᓴᓇᓯᒪᔪᑦ. ᐅᑭᐅᖅᑕᖅᑐᒥ, ᐊᓐᓄᕌᑉ ᐱᔾᔪᑎᓪᓗᐊᑕᕆᔭᖓ ᐅᖅᑰᑎᑦᑎᔪᓐᓇᕐᓂᖓᓄᑦ, ᑭᓯᐊᓂ ᑕᒪᓐᓇ ᓄᖅᑲᖅᑎᓯᒪᖏᓚᖅ  ᓄᑕᐅᖏᑦᑐᓂᒃ ᓴᓇᓯᒪᔪᓂᒃ ᓴᖅᑭᑎᑦᑎᓂᕐᒥᒃ ᓄᑖᖑᔪᓂ ᓴᓇᓯᒪᔪᓂᒃ ᐊᒻᒪᓗ ᑕᖅᓴᕐᓂᒃ.

ᓄᓇᕗᑦᒥ ᐊᓐᓄᕌᓕᐅᖅᑏᑦ ᐃᔾᔪᐊᖅᓯᕙᓪᓕᐊᓕᕐᖢᑎᒃ ᓴᓇᓯᒪᔪᓂᒃ ᑐᕌᖓᔪᓄᑦ ᓂᒡᓚᓱᒃᑐᖅᓯᐅᑕᐅᖏᓐᓂᖅᓴᓂᒃ, ᖃᓪᓗᓈᓂ ᐊᓐᓄᕌᓕᐅᖅᑏᑦ ᐱᐅᒃᓴᖅᑐᑦ ᕿᓯᕋᔭᖕᓂᒃ, ᐃᔾᔪᐊᖅᓯᓕᕆᓪᓗᑎᒃ ᐃᓄᒃᑎᑐᑦ ᓴᓇᓯᒪᔪᓂᒃ. ᐱᓕᕆᐊᓂᒃ ᐱᑕᖃᐅᓕᕆᓪᓗᓂ ᓴᓇᑦᑎᐊᕐᓯᒪᔪᓐᓇᕐᓂᖏᓐᓂᒃ ᓄᓇᕗᑦᒥᐅᓂᒃ ᓴᓇᔭᐅᓯᒪᔪᓂᒃ ᐱᔭᕐᓂᖏᓐᓂᖅᓴᒃᑲᓐᓂᕐᓂᒃ ᓄᓇᓕᖕᓂᑦ ᓴᓇᔭᐅᓂᑯᓂᒃ. ᐱᓕᕆᐊᖑᔪᑦ ᐃᓚᖃᐅᕐᖢᑎᒃ ᓄᓇᓕᖕᓂ ᐃᓕᓐᓂᐊᖅᑎᖅᑎᓂᕐᒥᒃ ᕿᓯᓕᕆᓂᕐᒥᒃ ᐊᒻᒪᓗ ᒥᖅᓱᖃᑦᑕᕐᓂᕐᒥᒃ ᐊᒻᒪᓗᑦᑕᐅᖅ ᓇᓗᓇᐃᒃᑯᑕᖅᑖᕐᓇᖅᑐᓂᒃ ᒥᖅᑯᓕᕆᓂᕐᒥᒃ ᐊᒻᒪᓗ ᐊᓐᓄᕌᓕᐅᕐᓂᕐᒥᒃ ᓄᓇᕗᑦ ᓯᓚᑦᑐᖅᓴᕐᕕᖓᓂ.

ᐊᖏᓕᒋᐊᖅᑎᑦᑎᓂᖅ ᓄᓇᓕᖕᓂ ᑮᓇᐅᔭᓕᐅᕋᓱᐊᕐᓂᕐᒥᒃ…ᐊᒻᒪᓗ ᐅᐱᒍᓱᖕᓂᕐᒥᒃ

Preparationᓄᓇᕗᑦᒥ ᓴᓇᔭᐅᓂᑯᐃᑦ ᕿᓯᕋᔭᐃᑦ ᔭᑲᐃᑦ ᐊᒻᒪᓗ ᐊᓯᖏᑦ (ᐳᐊᓗᐃᑦ, ᑲᒦᑦ, ᓲᕐᓗ) ᐃᓚᓕᐅᔾᔨᓯᒪᓪᓗᑎᒃ ᓂᕐᔪᑎᓂᓐᖔᕐᓂᑯᓂᒃ ᐃᓚᖃᕐᖢᑎᒃ ᓂᕐᔪᑎᑦ ᓴᐅᓂᖏᓐᓂᒃ ᐃᓯᕆᐅᑎᓕᐊᖑᓪᓗᑎᒃ ᐊᒻᒪᓗ ᓂᒃᓯᖕᓂᒡᓗ. ᒥᖅᑯᑯᑖᖃᕐᖢᑎᒃ ᐊᒻᒪᓗ ᑎᕆᒐᓂᐊᑉ, ᐃᒪᕈᐃᑦ, ᖃᕝᕕᒑᕐᔪᐃᑦ ᐊᒻᒪᓗ ᐅᑲᓖᑦ ᒥᖅᑯᖏᑦ ᐊᑐᖅᑕᐅᒋᓪᓗᑎᒃ. ᐊᓐᓄᕌᓕᐅᕐᓂᖅ ᐃᑲᔪᓲᖑᕗᖅ ᓄᓇᓕᖕᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᓇᓗᓇᐃᔭᐃᓯᓐᓈᑦ ᓂᕐᔪᑏᑦ ᐱᒻᒪᕆᐅᓂᖏᓐᓂᒃ ᓄᓇᕗᑦᒧᑦ. 

ᐊᓐᓄᕌᓕᐅᖃᑦᑕᕐᓂᖅ ᐃᓄᐃᑦ ᐊᕐᓇᖏᓐᓂᑦ ᐱᓕᕆᐊᖑᕙᒃᑐᑐᖃᐅᖕᒪᑦ ᐊᒻᒪᓗ ᓴᓇᔪᓐᓇᕐᓂᕐᒥᖕᓂᒃ ᑐᓂᓯᕙᓪᓕᐊᕙᒃᖢᑎᒃ ᑭᖑᕚᒥᖕᓄᑦ ᑕᐃᒪᓐᖓᓕᒫᖅ. ᑕᐃᒪᓐᓇ ᓴᓇᖃᑦᑕᕐᓂᖅ ᑮᓇᐅᔭᓕᐅᕈᑎᒃᓴᓂᒃ ᓴᖅᑭᑎᑦᑎᓯᒪᕗᖅ, ᐊᖏᓕᒋᐊᖅᑎᑎᑦᑎᓯᓐᓈᑦ ᓇᓗᓇᖏᑦᑐᒥᒃ ᐃᓅᓯᓕᕆᓂᕐᒧᑦ ᐊᒻᒪᓗ ᐃᓕᖅᑯᓯᓕᕆᓂᐅᑉ ᐊᐅᓚᓂᖓᓂᒃ ᓄᓇᕗᑦᒥ.

 

img