ᑕᒪᐃᓐᓂᒃ ᐊᑐᖃᑦᑕᕐᓂᖅ

ᓂᑭᖅᓴᖅᓯᐅᕐᓂᖅ ᐱᒻᒪᕆᐅᓛᖑᔪᒃᓴᐅᔫᒐᓗᐊᖅ ᐊᖑᓇᓱᖃᑦᑕᓂᕐᒧᑦ ᑭᓯᐊᓂ ᕿᓰᑦ ᓴᓇᔭᐅᔪᓐᓴᕐᒪᑕ ᐊᓐᓄᕌᓕᐊᖑᓗᑎᒃ ᐊᒻᒪᓗ ᑲᒥᓕᐊᖑᓗᑎᒃ. ᑕᒪᒃᑯᐊ ᓄᓇᓕᖕᓂ ᓂᐅᕕᐊᖑᕙᒃᑐᑦ, ᑲᓇᑕᒥ ᐊᒻᒪᓗ ᑲᓇᑕᐅᑉ ᓯᓚᑖᓂ. ᐅᖅᓱᖓ ᐊᒥᓱᓂᒃ ᐊᑐᖅᑕᐅᓲᖑᕗᖅ. ᐅᖅᓱᐊ ᐅᖅᑰᔾᔪᑕᐅᓲᖑᕗᖅ ᐊᒻᒪᓗ ᖃᐅᒪᔾᔪᑕᐅᓪᓗᓂ ᐊᒻᒪᓗ ᐴᕆᔭᐅᓪᓗᓂ ᐊᑐᖅᑕᐅᔪᓐᓇᕐᑐᖅ ᐊᒡᔭᖅᓯᔾᔪᑕᐅᓗᓂ.

ᐃᓚᖓ ᓇᑦᑎᐅᑉ ᐊᑐᖅᑕᐅᓲᖑᕗᖅ ᕿᒥᖅᑯᑕᐅᓪᓗᓂ ᕿᒧᒃᓯᐅᑎᓄᑦ. ᓂᕿᑦᑎᐊᕙᐅᓂᖅᐹᖑᓪᓗᓂ ᐊᒻᒪᓗ ᐊᑯᐅᓛᖑᓪᓗᓂ ᕿᒻᒥᓄᑦ. ᓱᕈᓯᖁᑎᕗᑦ ᐃᑦᑕᕐᓂᓴᕐᓂᒃ ᐱᓐᖑᐊᓲᖑᔪᑦ ᐊᑐᕐᖢᒋᑦ ᓯᖅᑯᖓᑕ ᐃᓄᒐᓐᖑᐊᖏᑦ ᐊᒻᒪᓗ ᐊᒥᐊᒃᑯᕐᓗᑯᐃᑦ ᕿᓯᖏᑦ. ᒥᖅᑯᐊ ᐊᒻᒪᓗ ᓴᐅᓂᖏᑦ ᓴᓇᓐᖑᐊᖅᑕᐅᔪᓐᓇᕐᒥᔪᑦ.
 

ᓂᕿ ᐊᒻᒪᓗ ᓂᕿᑦᑎᐊᕙᒃ

ᐱᑐᐃᓐᓇᐅᖏᓐᓂᖓᓄᑦ ᐅᑭᐅᖅᑕᑑᑉ ᓯᓚᖓ ᓄᓇᓕᐅᔪᑦ ᓄᓇᕗᑦᒥ ᐅᖓᓯᒌᒃᑑᑕᐅᓂᖏᓐᓄᑦ, ᑕᒪᓐᓇ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᔾᔨᒌᖏᑦᑐᑎᒍᑦ ᐊᒃᓱᕈᕐᓇᖅᑐᒻᒪᕆᐅᕗᖅ. ᐱᕈᖅᓴᐃᔪᓐᓇᖏᑦᖢᑕ ᓂᕿᒃᓴᓂᒃ, ᓂᕐᔪᑏᑦ ᓂᕿᒃᓴᑐᐊᑦᑎᐊᖑᕗᑦ ᓄᓇᓕᖕᓂ ᓴᖅᑭᑕᐅᓯᒪᔪᓂ. ᑕᒪᓐᓇ “ᐃᓄᐃᑦ ᓂᕿᖁᑎᖓ” ᐊᓯᖏᓐᓂᒃ ᑭᓯᐊᓂ ᑭᖑᕝᕖᖅᑕᐅᔪᓐᓇᓲᖅ, ᓂᕿᑦᑎᐊᕙᐅᖏᓐᓂᕐᓴᐅᒐᔪᒃᖢᑎᒡᓗ, ᐅᓯᔭᐅᓂᑯᐃᑦ ᑲᓇᑕᐅᑉ ᓂᒋᖓᓂᑦ ᐊᒻᒪᓗ ᓂᐅᕕᐊᒃᓴᐅᓲᖑᓪᓗᑎᒃ ᐊᑭᑐᔪᐊᓘᓪᓗᑎᒃ.

ᐃᒻᒪᒃᑲᓐᓂᖅ, ᓇᑦᑎᐅᑉ ᓂᕿᖓ ᖃᐅᑕᒫᑦ ᓂᕿᒋᔭᐅᖃᑦᑕᓚᐅᕐᐳᖅ, ᑕᐃᒪᓐᓇᑦᑕᐅᖅ ᐸᓚᐅᒑᖅ ᐱᔭᐅᕙᓚᐅᕐᒪᑦ ᑕᕆᐅᑉ ᐊᑭᐊᓂ. 1700 ᐱᒋᐊᓕᕋᑖᖅᑎᓪᓗᒋᑦ, ᐊᔪᕆᖅᓱᐃᔨ ᐊᓯᔾᔩᓚᐅᖅᓯᒪᔪᖅ ᐊᑕᐅᓯᕐᒥᒃ ᕚᓯᒥᒃ ᑐᒃᓯᐅᑕᐅᒐᔪᒃᑐᒥᑦ ᐃᒪᓐᓇ "ᐅᓪᓗᒥ ᓇᑦᑎᒃᓴᑦᑎᓐᓂᒃ ᑐᓂᓯᕕᒋᑎᒍᑦ."

ᓇᑦᑏᑦ ᐱᒻᒪᕆᐅᖃᑕᐅᓂᑦᐹᖑᕗᑦ ᓂᕿᒋᔭᐅᔪᑐᖃᕐᓂ. ᐅᓪᓗᒥᐅᔪᖅ ᐱᒻᒪᕆᐅᖃᑕᐅᓂᖅᐹᖑᔪᖅ ᓂᕿᒋᔭᐅᓪᓗᓂ ᐃᓄᖕᓄᑦ ᓄᓇᖃᕐᑐᓄᑦ 26-ᓂ ᓄᓇᕗᑦᒥ. ᓇᑦᑎᖅ ᓂᕿᑦᑎᐊᕚᓘᓪᓗᓂ. ᓄᒃᑭᒃᓴᐅᑎᖃᑦᑎᐊᕐᖢᓂᓗ, ᐅᕐᓱᖓ ᖁᐃᒃᑎᓗᐊᕐᓇᖏᑦᖢᓂ, ᐊᒻᒪᓗ ᐊᓯᖏᓐᓂᒃ ᑎᒥᒧᑦ ᐱᐅᔪᓂᒃ ᐱᑕᖃᐅᕐᖢᓂ. ᓇᑦᑎᐅᑉ ᓂᕿᖓ ᐃᓚᖃᕐᖢᓂ ᐆᒻᒪᑎᒧᑦ ᐆᒪᔪᖅᑖᕐᓇᖏᓐᓇᓱᒋᔭᐅᔪᓂᒃ, ᐊᒻᒪᓗ ᐃᓚᖃᕐᖢᓂ ᑕᐅᑐᑦᑎᐊᕐᓇᖅᑐᓂᒃ ᐊᒻᒪᓗ ᐊᓂᖅᓵᖅᑐᕐᓂᕐᒧᑦ ᐃᑲᔫᑕᐅᔪᓐᓇᕐᑐᓂᒃ. ᐅᖅᓱᖓᓗ ᓇᑦᑎᐅᑉ ᓂᕿᖓᓃᑦᑐᖅ ᐊᐅᑉ ᐃᖏᕐᕋᑦᑎᐊᕐᓂᖓᓄᑦ ᐃᑲᔫᑕᐅᓲᖑᓪᓗᓂ.

ᓇᑦᑎᐅᑉ ᓂᕿᖓ ᓂᐅᕕᐊᒃᓴᐅᒐᔪᖏᑦᑐᖅ, ᑭᓯᐊᓂ ᑐᓂᐅᖅᑲᖅᑕᐅᕙᒃᑐᖅ ᐃᓚᒌᓄᑦ ᐊᒻᒪᓗ ᓄᓇᓕᐅᖃᑎᒌᓄᑦ. ᖃᕋᓴᐅᔭᑎᒍᑦ ᐱᓗᒋᑦ ᓄᓇᕗᑦᒥ ᓂᕿᑦᑎᐊᕙᖕᓄᑦ ᓇᓗᓇᐃᖅᓯᒪᔪᑦ ᐅᕙᓂ: ᑕᑯᓗᒍ


ᐊᓐᓄᕌᑦ


– ᐃᓕᓴᐱ ᕿᓚᕝᕚᖅ, ᒥᖅᓱᖅᑎ, ᐃᖃᓗᐃᑦ, ᓄᓇᕗᑦ
“ᓇᑦᑎᕐᓂᒃ>

ᐊᓐᓄᕌᑦ ᓂᒡᓚᓱᒃᑐᒧᑦ

ᓂᕐᔪᑏᑦ ᒥᖅᑯᖏᑦ ᐊᓐᓄᕌᖑᓂᐊᖅᑎᓪᓗᒋᑦ ᐱᒻᒪᕆᐅᕗᑦ ᐅᑭᐅᖅᑕᖅᑐᒥᐅᓄᑦ. ᓂᕐᔪᑎᐅᑉ ᐊᒥᖓ ᐊᒻᒪᓗ ᒥᖅᑯᐊ ᐊᑐᕐᖢᒍ ᐱᒻᒪᕆᐅᓯᒪᕗᖅ ᐊᓐᓇᐅᒪᓇᓱᐊᕈᑕᐅᓪᓗᓂ ᐱᔭᕐᓂᖏᑦᑐᒥ, ᓂᒡᓕᓇᕐᑐᒥ ᐅᑭᐅᖅᑕᖅᑐᒥ ᐊᕐᕌᒍᒐᓴᒡᔪᐊᓄᑦ.

ᐊᓐᓄᕌᓕᐅᖑᓯᒪᔪᑦ ᓴᓇᓯᒪᓂᖏᑦ ᐊᒻᒪᓗ ᖃᓄᐃᓕᖓᓂᖏᑦ ᐊᔾᔨᒌᖃᑦᑕᖏᑦᑐᑦ ᓄᓇᕗᑦᒥ, ᑭᓯᐊᓂ ᐱᒻᒪᕆᐅᓂᖅᐹᖑᕗᖅ ᐊᓐᓄᕌᒥ ᐅᖅᑰᑎᑦᑎᔪᓐᓇᕐᓂᖓ. ᐊᓐᓄᕌᑦ ᐊᒻᒪᓗ ᑲᒦᑦ ᓴᓇᔭᐅᓯᒪᕗᑦ ᐃᑭᑮᓇᖅᑐᒻᒪᕆᖕᒥ ᐊᑐᖅᑕᐅᔪᒃᓴᐅᑕᐅᓪᓗᑎᒃ. ᐊᓐᓄᕌᓕᐊᖑᓯᒪᔪᑦ ᐊᓂᖅᓵᑦᑐᕈᓐᓇᕆᐊᖃᕐᐳᑦ ᐊᐅᒪᔾᔭᒃᑎᑦᑕᐃᓕᒪᓗᑎᒃ, ᑭᓯᐊᓂᑦᑕᐅᖅ ᓱᕕᖏᓪᓗᑎᒃ ᐊᓄᕆᒧᑦ ᐊᒻᒪᓗ ᕿᐅᒃᑲᕐᓇᖏᓪᓗᑎᒃ. ᐱᒻᒪᕆᐅᖕᒥᔪᖅᑕᐅᖅ ᐊᑯᓂᐅᔪᓐᓇᕐᓂᖓ. ᖃᓪᓗᓈᖅᑕᐃᑦ ᓱᓕ ᐊᔾᔨᖃᖏᑦᑐᑦ ᐃᓄᐃᑦ ᐊᓐᓄᕌᖁᑎᑐᖃᖏᓐᓂᒃ ᑖᒃᑯᑎᒎᓇ.

ᕿᓰᑦ ᓴᓇᒃᓴᖅᑕᐅᓂᖏᑦ

Clothingᑭᓰᑦ ᐊᓐᓄᕌᓕᐊᖑᓚᐅᖏᓐᓂᕐᒥᖕᓂ, ᐊᒥᖓ ᓴᓇᒃᓴᖅᑕᐅᔭᕆᐊᖃᕐᐳᖅ. ᐊᒥᖓ ᓴᓗᒻᒪᖅᑕᐅᔭᕆᐊᖃᕐᐳᖅ ᓴᓗᒪᔪᒧᑦ ᐃᒥᕐᒧᑦ ᐊᔪᕐᓇᕈᓐᓃᑐᐊᕐᐸᑦ ᐊᐅᖓ, ᑕᕆᐅᖅ ᐊᒻᒪᓗ ᐅᖅᓱᕈᔪᒃ ᐅᐊᓴᖅᑕᐅᖁᓪᓗᒍ. ᐃᓕᔭᐅᓪᓗᓂ ᐊᒡᕕᖕᒧᑦ ᐅᓗᒧᑦ ᐲᔭᖅᑕᐅᓪᓗᓂ ᐅᖅᓱᖓ ᐊᑐᖅᑕᐅᒐᔪᒃᑐᑐᖃᕐᐅᔪᖅ ᐅᓗᒧᑦ. ᐅᐊᓴᖅᑕᐅᒃᑲᓐᓂᓚᐅᖅᖢᓂ ᐊᒻᒪᓗ ᓴᓕᒍᖅᑕᐅᒃᑲᓐᓂᓚᐅᑦᖢᓂ ᐊᒥᖅ ᐃᓐᓂᕐᕕᖕᒧᑦ ᐃᓐᓂᖅᑕᐅᓪᓗᓂ ᐸᓂᖅᑎᑕᐅᓇᓱᓕᕐᖢᓂ. ᐸᓂᑦᑎᐊᑐᐊᕐᒪᑦ ᕿᓯᒃ ᐊᖑᓚᔭᐅᓪᓗᓂ ᐅᕚᓘᓐᓃᑦ ᑐᑭᖅᑕᐅᓪᓗᓂ ᐊᕿᒡᓕᑎᑕᐅᓇᓱᒃᖢᓂ.

ᐊᒥᐊᒃᑯᐃᑦ ᓇᑦᑎᐅᑉ ᐊᒥᖏᑦ, ᐱᔭᐅᔭᕆᐊᖃᕐᑐᑦ ᐊᒥᐊᒃᑯᖏᑦ, ᓂᐅᕕᐊᖑᓲᖑᔪᑦ ᓄᓇᕗᑦ ᒐᕙᒪᖏᑕ ᐆᒪᔪᕐᓂᐊᖅᑎᖏᓐᓂᑦ ᐊᒻᒪᓗ ᖃᓪᓗᓈᑦ ᓄᓇᖓᓐᓄᑦ ᐊᐅᓪᓚᖅᑎᑕᐅᓪᓗᑎᒃ ᐊᑭᑦᑐᕋᐅᑎᓂᒃᑯᑦ ᐊᐅᓪᓚᖅᑎᑕᐅᓂᐊᕐᒪᑕ. ᐃᓚᖏᑦ ᑭᓰᑦ ᐃᓗᓪᓕᖅᓱᖅᑕᐅᓲᑦ ᐊᒻᒪᓗ ᐊᓯᐊᓂᒃ ᑕᖅᓯᖅᑕᐅᓪᓗᑎᒃ ᖃᓪᓗᓈᑦ ᓄᓇᖓᓐᓂ ᐊᖅᒪᓗ ᐅᑎᖅᑎᑕᐅᓪᓗᑎᒃ ᓄᓇᕗᑦᒧᑦ ᐊᓐᓄᕌᓕᐊᖑᓂᐊᕐᒪᑕ.

 

 

 

img