ᓇᑦᑎᕋᓱᐊᕐᓂᖅ ᐃᓅᓯᕆᔭᐅᔪᖅ ᓄᓇᒥᑦ

"ᐊᑭᕋᖅᑐᓲᑦ ᒥᖅᑯᓕᖕᓂᒃ ᐃᓛᓐᓂᒃᑯᑦ ᑐᑭᓯᓂᕐᓗᒃᓯᒪᕙᖕᒪᑕ. ᐅᓂᒃᑳᑉ ᐃᒡᓗᐊᓂᒃ ᖃᐅᔨᖃᑦᑕᖏᒻᒪᑕ. ᐃᓛᓐᓂᒃᑯᑦ ᓂᓐᖓᖃᑦᑕᕐᑐᖓ ᖃᓄᖅ ᐅᕙᑦᑎᓐᓂᒃ ᐊᒃᑐᐃᓯᒪᖕᒪᖔᑦ. ᐅᐃᒐ ᐊᖑᓇᓱᒃᑎᐅᓯᒪᖕᒪᑦ. ᐊᑐᐃᓐᓇᐅᑎᑦᓯᒪᖕᒪᑦ ᐊᒃᑐᐊᓂᕆᔭᓐᓂᒃ ᓇᑦᑎᕐᓄᑦ. ᐃᓅᓯᕆᔭᕗᑦ ᑕᑎᖃᕐᒪᑦ ᑕᒪᑐᒥᖓ." .

– ᒫᓂᑲ ᐃᐅᓪ, ᐃᖃᓗᐃᑦ, ᓄᓇᕗᑦ

ᒫᓐᓇᑦᑎᐊᒃᑯᑦ ᑭᖑᕚᖑᔪᓂ, ᐃᓄᐃᑦ ᐃᓅᓯᖓᑦ ᐊᖏᔪᐋᓗᖕᒥᒃ ᐊᓯᔾᔨᖅᓯᒪᖕᒪᑦ ᓯᕗᓪᓕᕐᒥ ᑕᒫᓂᑐᐃᓐᓇᖅ ᐃᓅᓂᕆᔭᐅᓚᐅᖅᓯᒪᔪᖅ ᑭᖑᕝᕕᖅᑕᐅᓪᓗᓂ ᐊᑕᐅᓰᓐᓇᕐᒥ ᓄᓇᖃᓕᕐᑐᓄᑦ, ᐅᖅᑰᓴᐅᑎᖃᕐᑐᓂ ᐊᖏᕐᕋᖃᕐᓂᕐᒥᒃ ᐊᒻᒪᓗ ᓂᖀᑦ ᑲᓇᑕᐅᑉ ᓂᒋᖓᓂᑦ ᑎᑭᑎᑕᐅᕙᓕᕐᖢᑎᒃ. ᓂᐅᕕᕐᕖᑦ ᐊᑐᐃᓐᓇᐅᑎᑦᑎᔫᒐᓗᐊᑦ ᐊᔾᔨᒌᖏᑦᑐᓂᒃ ᓂᕿᓂᒃ, ᑭᓯᐊᓂᓕ ᐃᓚᐃᓐᓇᕆᖕᒪᒍ, ᐊᑭᑐᓂᖅᓴᐅᓪᓗᓂᓗ ᑭᖑᕝᕖᓯᒪᔪᖅ “ᐃᓄᒃᓯᐅᑎᓂᒃ” ᓂᕿᓂᒃ ᐃᓄᖕᓂᑦ ᒪᒪᕆᔭᐅᔪᓂᒃ. ᓇᑦᑎᖅ ᓱᓕ ᐊᑑᑎᖃᕐᓂᖅᐹᖑᓪᓗᓂ ᐊᒻᒪᓗ ᓂᕈᐊᕆᔭᐅᓂᖅᐹᖑᔪᖅ ᐅᓪᓗᒥᐅᔪᖅ ᓂᕿᒋᔭᐅᓲᖅ.

ᐃᓄᐃᑦ ᐊᖑᓇᓱᖃᑦᑕᕐᓂᖓ ᓇᑦᑎᕐᓂᒃ ᓄᓇᕗᑦᒥ ᐊᑐᖅᑕᐅᓲᖑᕗᖅ ᒥᑭᑦᑐᑯᓗᒃᑯᑦ ᐊᒻᒪᓗ ᐃᓚᒌᓄᑦ ᑐᕌᖓᓗᐊᖅᐸᒃᖢᓂ. ᑮᓇᐅᔭᓕᐅᕈᑕᐅᔪᑦ ᓴᓇᔭᐅᖃᑦᑕᕐᓂᖏᓐᓄᑦ ᓂᕿᐅᔪᑦ, ᐊᒥᕐᓂᑦ ᐊᓐᓄᕌᒃᓴᓄᑦ ᐊᒻᒪᓗ ᒥᖅᓱᒐᓄᑦ ᓴᖅᑭᑦᑎᓲᖑᕗᑦ! ᒥᓕᐊᓂᒃ ᐊᕐᕌᒍᓕᒪᒧᑦ, ᓄᓇᕗᑦ ᑮᓇᐅᔭᓕᐅᕐᓂᖓᓄᑦ. ᐊᑭᒋᔭᖏᑦ ᐊᑐᐃᓐᓇᐅᑎᑦᑎᓇᓱᒃᖢᓂ ᐊᓯᖏᓐᓂᒃ ᓂᕿᒃᓴᓂᒃ (ᐱᓗᐊᖅᑐᒥᒃ “ᖃᓪᓗᓈᑦ” ᓂᕿᖁᑎᖏᓐᓂᒃ) ᐊᒻᒪᓗ ᑭᖑᕝᕕᕋᔭᕈᓂ ᑮᓇᐅᔭᓕᐅᕈᑕᐅᔪᓐᓇᕐᑐᓄᑦ ᐊᕐᕌᒍᑕᒫᑦ ᐊᖑᓇᓱᖕᓂᐅᕙᒃᑐᓂᑦ ᑕᓪᓕᒪᐃᖅᓲᑎᓪᓗᐊᖑᕗᑦ.

ᑮᓇᐅᔭᐃᑦ ᓴᖅᑭᑕᐅᓯᒪᔪᑦ ᕿᓰᑦ ᓂᐅᕐᕈᑕᐅᖃᑦᑕᕐᓂᖏᓐᓄᑦ ᐃᑲᔪᓲᖑᕗᑦ ᐊᖑᓇᓱᖕᓂᖅ ᓂᕿᒃᓴᓂᒃ ᑮᓇᐅᔭᖃᖅᑎᑕᐅᖁᓪᓗᒍ, ᐊᑭᑦᑐᕐᔪᐊᖅᓯᒪᓪᓗᓂᓗ ᐱᔾᔪᑎᒋᓪᓗᒋᑦ ᐊᖏᓂᖅᓴᓂᒃ ᐊᑭᑐᓂᖅᓴᐅᓕᕐᓂᖏᓐᓄᑦ ᓂᐅᕕᕈᑎᒃᓴᐅᔪᑦ ᑕᖁᐊᓄᑦ. ᓄᓇᖃᕐᖢᓂ ᓄᓇᓕᕋᓛᓂ ᑐᑭᖃᕐᐳᖅ ᐅᖓᓯᒃᑐᒻᒪᕆᖕᒧᑦ ᐃᖏᕐᕋᖃᑦᑕᕆᐊᖃᕐᓂᖏᓐᓄᑦ ᓇᑦᑎᕋᓱᒋᐊᖅᖢᓂ.

ᐃᓄᐃᑦ ᐊᖑᓇᓱᐃᓐᓇᐅᔭᕐᓂᐊᕐᒪᑕ ᓂᕿᒃᓴᖅᓯᐅᕐᓗᑎᒃ. ᕿᓯᖏᑦ ᐊᑐᖅᑕᐅᖅᑳᓲᖑᕗᑦ ᐊᖏᕐᕋᕆᐅᔪᓂ ᑲᒥᐅᓪᓗᑎᒃ, ᐊᓐᓄᕌᖑᓪᓗᑎᒃ ᐊᒻᒪᓗ ᒥᖅᓱᒐᐅᓪᓗᑎᒃ. ᐊᓯᖏᑦ ᐊᒥᐊᒃᑯᔪᑦ ᕿᓰᑦ ᑕᐅᖅᓯᐅᕋᐅᑕᐅᔪᓐᓇᕐᖢᑎᒃ.

 

img