ᓇᑦᑎᕋᓱᖃᑦᑕᕐᓂᖅ ᓄᓇᕗᑦᒥ

ᓄᓇᕗᑦ ᑲᓇᑕᒥ ᓄᑖᖑᓂᖅᐸᐅᕗᖅ ᐊᒡᒍᖅᑐᖅᓯᒪᓪᓗᓂ ᐊᒃᑐᐊᓪᓗᓂ ᑲᓇᑕᐅᑉ ᐱᖓᔪᖓᓐᓂᒃ ᐃᒪᕕᒃᒧᑦ. ᐃᓄᒋᐊᖕᓂᖏᑦ 30,000-ᖑᔪ 85%-ᖑᔪᑦ ᓄᓇᓕᐅᔪᑦ ᓯᐊᒻᒪᒃᓯᒪᕗᑦ ᓄᓇᕗᑦ ᐃᓗᐊᓂ ᓲᕐᓗ ᐊᑕᐅᓯᐊᓪᓗᐊᕐᓗᒍ ᑎᓴᒪᐅᓕᖓᔪᓂᑦ ᐊᖏᓂᖓ ᐊᖅᑯᑎᑎᒍᑦ ᐅᐸᒐᒃᓴᐅᖏᑦᑐᖅ, ᑭᓯᐊᓂ ᖃᖓᑕᓲᒃᑯᑦ.

ᐃᓄᐃᑦ ᓯᕗᓕᖏᑦ ᓴᖅᑭᓐᓂᑰᕗᑦ ᓄᒃᑕᕐᖢᑎᒃ ᓴᐃᐱᐅᕆᐊ ᑲᓇᖕᓇᖓᓂᑦ ᐅᑭᐅᑦ 4,000 ᐊᓂᒍᓕᖅᑐᑦ. ᓇᓗᓇᐃᖅᓯᓯᒪᓪᓗᑎᒃ ᑲᒪᓇᖅᑐᓂᒃ ᓱᖏᐅᑎᔪᓐᓇᕐᓂᕐᒧᑦ ᐃᒃᑮᓇᖅᑐᒻᒪᕆᖕᒥ ᐊᑯᓂᐅᔪᒥ, ᑖᖅᑐᒥ ᐅᑭᐅᒥ ᐃᓅᔭᕆᐊᒃᓴᖅ. ᓯᓚᖓ ᓂᒡᓚᓱᒃᖢᓂ, ᐊᐅᔪᐃᑦᑐᖅ ᐊᒻᒪᓗ ᐃᔾᔪᑦᑎᐊᕙᐃᑦ ᐊᑐᐃᓐᓇᐅᖏᓐᓂᖓ ᐱᑕᖃᖅᑎᑦᑎᔪᓐᓇᖏᑉᐳᖅ ᓇᑉᒥᓂᖅ ᐱᕈᖅᑎᑕᐅᔪᓂᒃ ᓂᕿᒋᔭᐅᔪᓐᓇᕐᑐᓂᒃ, ᓂᕿᒃᓴᓂᒃ ᐱᕈᖅᓴᐃᓂᖅ ᐃᓱᒪᖅᓲᑕᐅᓐᖏᓚᖅ ᑕᒫᓂ ᓄᓇᐅᔪᒥ. ᐊᖏᔪᐋᓗᒃ ᓄᓇ ᓇᐹᖅᑐᖃᑦᑎᐊᓐᖏᓚᖅ ᐊᑐᐃᓐᓇᐅᑎᑦᑎᔪᓐᓇᕐᓗᓂ ᐃᑯᐊᓪᓚᖅᑯᑎᒃᓴᓄᑦ ᐅᕙᓘᓐᓃᑦ ᐅᖅᑯᐃᕖᐅᔪᓐᓇᕐᑐᓂᒃ. ᐱᔭᐅᕆᐊᖃᕐᑐᑦ ᒪᓕᒃᖢᒋᑦ ᓂᕿᒃᓴᓄᑦ ᐊᒻᒪᓗ ᐅᖅᑰᔾᔪᑕᐅᔪᓐᓇᕐᑐᓄᑦ, ᐃᓄᐃᑦ ᑕᑎᖃᕐᓯᒪᕗᑦ ᐃᖃᓗᖕᓂᒃ, ᑎᖕᒥᐊᓂᒃ ᐅᕚᓗᓐᓃᑦ ᐳᐃᔨᓂᒃ. ᑕᒪᓐᓇ ᑲᑎᑎᑦᓯᒪᒃᑲᓐᓂᕐᐳᖅ ᐊᒃᑐᐊᓂᖏᓐᓂᒃ ᐃᓄᖕᓂᒃ ᐊᒻᒪᓗ ᐊᕙᑎᒥᖕᓂᒃ.

ᓇᑦᑏᑦ ᐱᒻᒪᕆᐅᓚᐅᖅᐳᑦ ᐊᓐᓇᐅᒪᓇᓱᐊᕐᓂᕐᒧᑦ ᐊᒻᒪᓗ ᐊᑐᖅᑕᐅᕙᒃᖢᑎᒃ ᓂᕿᒋᔭᐅᓪᓗᑎᒃ ᐊᒻᒪᓗ ᐊᓐᓄᕌᕆᔭᐅᓪᓗᑎᒃ. ᓇᑦᑎᕋᓱᐊᖅᖢᓂ ᐊᖏᔪᒥᒃ ᕿᓄᐃᓵᕐᓂᖃᕆᐊᖃᕐᐳᖅ, ᐊᒻᒪᓗ ᐃᓄᐃᑦ ᐊᖑᓇᓱᒃᑏᑦ ᐊᖏᔪᒻᒪᕆᖕᒥᒃ ᐃᒃᐱᒍᓱᒃᓯᒪᕗᑦ ᐃᓄᐃᑦ ᐃᓕᖅᑯᓯᖏᓐᓄᑦ, ᑲᔪᓯᑎᑦᑎᓪᓗᑎᒃ ᐃᓄᐃᑦ ᐊᒥᖅᑳᖃᑦᑕᕐᓂᕐᒥᒃᑎᒍᑦ ᐃᓕᖅᑯᓯᖏᓐᓂᒃ, ᑲᔪᓯᑎᑦᑎᓂᒃᑯᑦ ᐱᒻᒪᕆᐅᔪᓂᒃ ᖃᐅᔨᒪᓂᕆᔭᐅᔪᓂᒃ ᓇᑦᑏᑦ ᒥᒃᓵᓄᑦ ᐊᒻᒪᓗ ᐃᓂᒋᔭᖏᓐᓂ, ᐊᒻᒪᓗ ᐱᓯᒪᐃᓐᓇᕐᖢᒋᑦ ᐊᔪᖏᓐᓂᕆᔭᐅᔪᑦ ᐊᒻᒪᓗ ᐃᑦᐱᒋᔭᐅᔪᑦ ᐆᒪᑏᓐᓇᕐᖢᒋᖅ ᑭᖑᕚᕆᖕᓂᑦ ᑭᖑᕚᕆᖕᓄᑦ.

ᐃᒃᐱᒋᔭᐅᔪᑐᖃᐃᑦ ᐋᖅᑮᓯᒪᕗᑦ ᐅᓪᓗᒥᐅᔪᒧᑦ ᐅᒃᐱᕆᔭᐅᔪᓂᒃ ᓇᑦᑎᕋᓱᖃᑦᑕᕐᓂᕐᒧᑦ ᓄᓇᕗᑦᒥ: ᑲᔪᓰᓐᓇᖅᑎᑕᐅᔭᕆᐊᓕᒃ, ᐃᓖᔭᖅᓱᐃᖏᓪᓗᓂ, ᐊᒻᒪᓗ ᑕᒪᐃᑕ ᐊᑐᖅᑕᐅᖃᑦᑕᕐᓂᖏᑎᒍᑦ ᓂᕐᔪᑎᐅᑉ ᓄᓇᓕᖕᓂ ᐊᓐᖑᑕᐅᓗᓂ ᓂᕿᒋᔭᐅᓂᐊᕐᓗᓂ, ᐊᓐᓄᕌᕆᔭᐅᓂᐊᕐᓗᓂ, ᐊᒻᒪᓗ ᒥᒃᓱᒐᓕᐊᖑᓂᐊᕐᓗᓂ.

img