“ Nattiit amiingi iluvuanga atuqtara Inuit pitquhiita tigummiplugu hanauyaangi ilitquhiingillu . Taimailiuriangani atuqattaqhimaarlugu, nakuuyumik ilitariyauyugut inuuhittiarnirmi hilaryuarmut .”
– ataniryuaraluanga Inuit Ukiuqtaqtumiut Katudjiqatigiit niruartauhimavluni haffuminga 2007 Nobel Haimmanirnut Aittuuhiangi
Nattiqhiurniq atuqtauyut avattitinirnut atuqhugu haffuminga nunamiuttalirinirnut. Inuit angunahuartut qauyimayut kamagittianngitkumik angunahuarnirnut atuqhimmaarumavlutik hutuinnarnut hivumut alraangutigut.
Inuit atuqpagat tukiqaqtuq Inuit Qaujimajatuqangit, Inuit ilitquhia qauyimanirnut, nalunaiqhipkaigiangani pitquhiit uumayumik huradjanik. Una utuqqauyuq pitquhiq avatainingagut nalaumayakhait ihumagilugit hivumut hapummingungittumi Inuit pitquhiitigut kihimi hapummihimalugit nattiit amigainnia.
Hamna nattiqhiurnigut ihumagilluaqhimayut manikhiutigut manikhiutituanguuvluni nunaqatigiiktunut anuraaliurniq hinaanirmiuttat nunallaani pivalliadjutinit hivumuuqattautivlutik avatainingagut avattitiqattangittumik.
Quyaginnaq ilumuurtumik avattitinahuartunut papattitiarniq pivallianinga ihumagiyauttiaqtukhauvluni qayangnaqhunilu nunam, piyungnautinirnut aulattigungnauningit ihumagilugit pitquhiit aallatqiitigut.
Pingahunik angirutaurnaqpaarutilik maligautainik nattiqhiurniq Nunavunmi:
- Nattiqhiurniq avatittiyukhavluni (tamainnut ilitquhiitigut manikhaliurnigullu kiudjutaa). Hamna ikayuuhiak hapummikhautauvluni nattiqhiuryuaqhimaittumik aulapkaihimalugillu nattiitigut iluani nattiit nayurpauhiangat.
- Tamaat huraaq atuqtauyukhaq. Niqaa niqikhautauvluni, amiillu aannuraaliuqtauvagait uqhualu niqitqiktuuvluni uuminga umiika-3 nik.
- Nattiqhiurniq kamagiyauyukhaq. Nattiit ihumagiyauttiaqtukhauvlutik angunahuaraangat kihiani aturlugu piyumayainnik. Tuqutirumik halumayuq qilamiurtumilu.
